ယနေ့ကရင်လူငယ်များထားရှိရမည့်အနာဂတ်အမြင်

၁။ ကျွန်တော်တို့ကရင်တွေ ဘယ်ကလာကြသလဲ၊ ကရင်တွေရဲ့မူလဇာတိကဘယ်ကလဲ၊ ဧရာဝ တီမြစ်ဝကျွန်းပေါ်ဒေသက ကျွန်တော်တို့ကရင်တွေရဲ့ မူရင်းဒေသပဲလား၊ ဆိုတဲ့မေးခွန်းတွေကို ကျွန် တော် တော်တော်စိတ်ဝင်စားခဲ့ပါတယ်။ ဒါကြောင့် ရှေးဦးသာသနာပြုတွေရဲ့ စာပေ စာတမ်း တွေကို ကျွန်တော်လိုက်လံရှာဖွေခဲ့တယ်။ ဖတ်ခဲ့ပါတယ်။ အင်္ဂလိပ်လိုရေးတဲ့ မှတ်တမ်းမှတ်ရာတွေ တွေ့ခဲ့ သလို၊ ပြင်သစ်၊ အီတလီလိုရေးခဲ့တဲ့ သာသနာပြုများ တွေရဲ့မှတ်တမ်း တွေလည်း တွေ့ခဲ့ပါတယ်။ အထူးသဖြင့် ၁၈ ရာစုနဲ့ ၁၉ ရာစုမှာ ရေးသားခဲ့တဲ့ မှတ်တမ်းတွေ၊ ၂၀ ရာစုမှာ တိုင်းရင်းသား ကရင်ခေါင်: ဆောင်းများကိုယ်တိုင်ရေးသားခဲ့တဲ့ မှတ်တမ်းတွေကို ခုထိတိုင် တွေ့ မြင် နိုင်ပါသေးတယ်။  ကရင် အကြောင်း သီးခြားရေးသားထားတာမျိုး ရှိသလို၊ သာသနာပြု သမိုင်း နဲ့ဆက်နွယ်ပြီး ရေးသား ထား တာမျိုးလည်းတွေ့ရပါတယ်။ ဒီလိုရှေးဟောင်း မှတ်တမ်း တွေကို အခြေပြု ပြီး တင်ပြထားတဲ့ စော အောင်လှ ရဲ့ ကရင်သမိုင်းကို လည်းဖတ်ခဲ့ရပါတယ်။ တစ်ချို့ အပိုင်းက ဒဏ္ဍာရီ (Legendary) ဆန်တယ် လို့ပြော နိုင်ပေမယ့် တချို့ အပိုင်းတွေက တော့ ဆက်လက်လေ့လာ သုတေသနပြုစရာ တွေလည်း ရှိနေပါတယ်။ 

၂။ ကျွန်တော်ဖက်က သုံးသပ်ပြီးအတည်ပြု တင်ပြချင်တဲ့အချက်ကတော့ ကရင်တွေဟာ ရှေးပဝေ သဏီကတည်း ကတည်ရှိနေတဲ့လူမျိုးတစ်မျိုး၊ လက်ရှိမြန်မာနိုင်ငံကို အဦးဆုံးတည်ရှိ/ ၀င်ရောက် လာ တဲ့လူမျိုးတစ်မျိုး၊ ကိုယ်ပိုင် ဓလေ့ထုံးတမ်းစဉ်လာ၊ စာပေအနုပညာနဲ့ တည်ရှိခဲ့တဲ့ လူမျိုး တစ်မျိုး၊ အာဏာရှင်အုပ်ချုပ် မင်း လုပ်သူ တွေရဲ့အုပ်စိုး မှုအောက်မှာဖိနှိပ်ခံခဲ့ ရတဲ့လူမျိုးတစ်မျိုး၊ အင်္ဂလိပ် ကိုလိုနီ အစိုးရလက် ထက်မှာ စင်မြင့်ပေါ်အထိုက်အသင့်ရောက်လာတဲ့လူမျိုးတစ်မျိုး၊ နဲ့ အခုထိတိုင် လက်ရှိမြန်မာနိုင်ငံနဲ့ ကမ္ဘာ ပေါ်မှာ တည်ရှိနေတဲ့လူမျိုးတစ်မျိုးလို့ပဲ ဆိုချင်ပါတယ်။ ကရင်တွေ ဘယ်ကလာ သ လဲ ဆိုတာ ထက် ကရင်တွေ ဒီမှာ အခုရှိနေသေးတယ် ဆိုတဲ့ အချက် က ကျွန်တော် ပိုပြီးစိတ်ဝင်စား တဲ့ အရင်းအမြစ်တွေ ဖြစ်လာပါတယ်။ ပြောင်းလဲလာတဲ့ ကမ္ဘာ့လူဦး ရေနဲ့အတူ ကရင်တွေ ဟာ ရှေးပဝေသဏီကဆိုရင် လူဦးရေ အနေအထားအရ၊ ရာ၊ ထောင်၊ သောင်း၊ လောက်ပဲရှိနေ ခဲ့ရာ ကနေ အခုဆိုရင် သိန်း ဂဏန်း တောင်မကတော့ပါဘူး။ သန်းနဲ့ချီရှိ နေကြပါပြီ။  ဒါဟာ ကျွန်တော်တို့ရဲ့ လူသားအရင်းအမြစ်တွေပဲ။ လက်ရှိ မြန်မာနိုင်ငံသာမက အခြား တိုင်း နိုင်ငံမှာ လည်းရောက်ရှိနေတာဟာ လည်းကျွန်ုပ်တို့ရဲ့ အင်အား တစ်ခုပဲ။ အခုလို တစ်ကမ္ဘာ တစ်ရွာ ဖြစ်လာ တဲ့ခေတ်မှာ ကျွန်တော်တို့တတွေ ဘယ်မှာနေ၊( where are we?) ဘာ တွေလုပ်နေကြသလဲ ( what are we doing?) ဆိုတာ ထက် ကျွန်တော်တို့တတွေ ဘယ်လို ဆက်သွယ် မှုယူပြီး ( how we get connected and work for a common goal) ဘုံ ဦးတည် ချက် အတွက် ဘာလုပ်ကြမလဲဆိုတာ က သာ ပို အရေးကြီးနေပါတယ်။ ဧရာဝတီမြစ်ဝ ကျွန်း ပေါ် ဒေသ က တော့ လက်ရှိ ကမ္ဘာ့မြေပုံပေါ် မှာ ကရင်တွေ တစ်စုတစ်ဝေးနဲ့ အများဆုံး နေထိုင်ရာ ဒေသလို့ ပြောရင် မှား မယ်မထင်ပါဘူး။ (ကရင်ပြည်နယ်၊ တနင်္သာရီတိုင်းနဲ့ဆက်စပ်နေတဲ့ ယိုး ဒယား နိုင်ငံဘက်ပိုင်းကပြည်နယ်တွေမှာ လည်း ကရင်တွေအ များဆုံး နေထိုင်ရာဒေသ အဖြစ် လက်ရှိတွေ့မြင်နေရပါတယ်)။

၃။ နှစ် (၆၀) ကျော်၊ ဖြတ်သန်းလာခဲ့ တဲ့ လွတ်လပ်ရေးရပြီး လက်ရှိမြန်မာနိုင်ငံရဲ့ သမိုင်းမှာ မြစ်ဝ ကျွန်းပေါ်၊ ကရင်ပြည်နယ်နဲ့ အခြားကရင်တွေရှိတဲ့ ပြည်နယ်၊ တိုင်းအသီးသီးမှာ  ကရင်တော် တော် များများ ဟာ လူမျိုးနဲ့စာပေ မှေးမှိန်ခြင်းပျက်သုန်းဖို့ အန္တရယ် ပြုမှု ပြင်းပြင်းထန်ထန် ခံခဲ့ ရပါ တယ်။ ဒီလို ပြင်းထန်လှ တဲ့ ရိုက်ချက်တွေ ကြားမှာ ကရင်တွေဟာ မားမားမတ်မတ် ရင်ဆိုင် ကျော်ဖြတ် လာကြတာ ဟာ ခုချိန် ထိပါပဲ။ ပြင်းထန်တဲ့ ရိုက်ချက်ရဲ့အကျိုးဆက်ကြောင့် ကရင် တော်တော် များ များကရွာ ပျောက်ကြ တယ်။  မိသားစုပျောက်ကြတယ်။ စာပေ တွေပျောက်ကြ တယ်။ တချို့ စကား တွေလည်း ပျောက်ခဲ့ကြ ပါတယ်။ တစ်ချို့လည်း အခြားတိုင်း တစ်ပါး ရောက်ကြတယ်။ ဒီလိုခက်ခဲ ကြမ်းတမ်းတဲ့ အခြေအနေ ကြားမှာ အမျိုးသားစာပေ နဲ့ဘာသာ စကားကို အတတ်နိုင်ဆုံး ထိန်းသိမ်း မြှင့်တင်ပေးတဲ့ ပိုးကရင်/ စကောကရင်ခရစ်ယာန် အသင်း တော်များ၊ အခြားဘာသာရေး၊ လူမှုရေး အဖွဲ့အစည်းများ ကို ကျွန်တော့် အနေနဲ့က ကျေးဇူးတင် ပါတယ်။ ဂုဏ်ပြုပါတယ်။  သာသသနာပြုကြီးတွေရဲ့ ချမှတ်ချန်ထားခဲ့တဲ့ အမွေအနှစ် နဲ့ Mandate  ကို မားမား မတ်မတ် ဖော်ဆောင် လုပ်ကိုင်နိုင်ခဲ့ခြင်းတွေအတွက် ကျွန်တော်တို့ကရင် တစ်မျိုး သားလုံက ဂုဏ် ယူကြ ရမှာဖြစ်ပါတယ်။ 

၎။ ကမ္ဘာ့ ကုလသမ္မဂ္ဂ က ကြေညာ ချက်ထုတ်ခဲ့ပါတယ်။ ကမ္ဘာပေါ် မှာ ရှိတဲ့ ဘာသာစကားပေါင်း (၅၉၀၀) လောက်မှာ တစ်ဝက်က ထိမ်းသိမ်းမှု မရှိရင် ဒီ ၂၁ ရာစု မကုန်မှီ လုံးဝ ပပျောက် သွား တော့မှာ ဖြစ်တယ်။ (ကျွန်တော်တို့ မြန်မာနိုင်ငံမှာ ဘာသာစကားပေါင်း ၁၃၅ မျိုး ရှိတယ် လိုဆိုတယ်)။

The United Nations (UN) said on May 14, 2009 at Lagos, that 5900 languages worldwide may become extinct before the end of the 21^st century if measures to protect them are not introduced. The United Nations (UN) said that languages remain critical to the achievement of the Millennium Development Goals (MDGs) 2015, on education, urging that children should be taught their dialects at an early age. 

 

၂၀ ရာစုအတွင်း အောင်မြင်တဲ့တီထွင်မှုတွေဖြစ်တဲ့ (ကွန်ပြူတာ ၁၉၄၁)၊( ကွန်ပြူတာ ကွန်ယက် WWW၊ ၁၉၉၀) တို့ ရဲ့အကျိုး သက်ရောက်မှုတွေကြောင့် ကမ္ဘာ့ ဆက်သွယ်မှု၊ ဖလှယ်မှုတွေက ကျုံ့ လာတယ်။ replay ကို မကြည့်ချင်တော့ပဲ real time (Live) ကိုပဲ ကြည့်ချင်လာကြတယ်။ အင် အားကြီးတဲ့ ဘာသာ စကား တွေက အင်အားနည်းတဲ့ ဘာသာစကားကို ၀ါးမြိုလာကြတယ်။ ဒါ့ကြောင့် ထိုက်သင့်တဲ့ ကိုယ်ခံအား မကောင်းရင် ကရင်ဘာသာစကားတွေဟာလည်း ၂၁ ရာစု ရဲ့ ဘာသာ စကားဝါးမြိုခြင်း virus ကနေ ကင်းလွတ်မှာ မဟုတ်ဘူး။ ကိုယ်ခံအားကောင်းအောင် ဘယ်လို လုပ်ကြမလဲ။ ကိုယ်ခံ အား မကောင်း လို့ကတော့ ကျွန်တော်တို့ မျိုးပြုတ်နိုင်တယ်။ ဒီနေ ရာမှာ ဆင့် ကဲဖြစ်စဉ် အကြောင်း ကို လေ့လာခဲ့တဲ့ သိပံပညာရှင်ကြီး ချားလ်စ် ဒါဝင် ရဲ့ အဆို အမိန့်လေး ကစိတ်ဝင်စား စရာကောင်းတယ်။ “ It is not the strongest species that can survive nor the most intelligent but the most responsive to change”. မပျက်သုန်းပဲ ဆက် လက်တည်မြဲတဲ့ မျိုးစေ့ဗီဇ( မျိုးနွယ်စု ) ဆိုတာ အင်အားကောင်းလွန်းလို့ လည်းမဟုတ် ဘူး၊ ထက်မြက်လွန်း လို့လည်း မဟုတ်ဘူး၊ ပြောင်းလဲမှု အပေါ်လိုက်လျောညီထွေ တုန်ပြန်နိုင်ခြင်း ကြောင့်သာဖြစ်ပါတယ်။ 

၅။ ပြောင်းလဲနေပါတယ်။ အရာရာပြောင်းလဲနေပါတယ်။ ပြောင်းလဲနေခြင်း သည်သာ မပြောင်း လဲပဲရှိနေပါတယ်။ Philosophical statement တစ်ခုပါ။ “ Nothing is permanent, everything is changing, only change is not changing”…ကျွန်တော်တို့ကရင်တွေ အခု ၂၁ ရာစု အထိ ရှိနေသေး တယ်ဆိုတာ ခေတ်အဆက်ဆက် ဖြစ်ပေါ်ခဲ့တဲ့ ပြောင်းလဲခြင်းတွေ အပေါ် ဟန်ချက် ညီညီ ကစား တတ်လို့ပဲ လို့ ပြောချင်ပါတယ်။ ဆိုးညစ်တဲ့ အုပ်စိုးသူ မင်းတွေရဲ့ ခေတ်မှာ ကရင် တွေ ဟာ ရှောင် ရှားပြီး တောကြိုတောင်ကြားတွေမှာ ပုန်းလျှိုကြတယ်။ ဘ၀မြှင့်တင်ပေးသူ တွေနဲ့ တွေ့ လာတဲ့ ခေတ်မှာ လည်း ပညာတတ်အသိုင်းအ၀န်းထဲဝင်ဆန့်လာပြန်တယ်။ ပြောင်းလဲခဲ့တဲ့ ခေတ် ကာလ အပေါ် ကစားခဲ့ကြတဲ့ ကျွန်တော်တို့ ဘိုးဘေးတွေရဲ့ ကစားကွက်တွေပါပဲ။  အခု ခေတ် ကာလက ပြောင်းလဲမှုတွေ က မြန်ဆန် လာတယ်။ ယှဉ်ပြိုင်မှုတွေလည်းဖြစ်လာတယ်။ အ ရင်က ရာစု တစ်စု လောက် အချိန်ယူ တည်ဆောက် ရတဲ့ အလုပ် တွေဟာ အခုဆို ဆယ်စု နှစ်ပိုင်း ထဲ မှာ ပြီးမြောက် အောင် လုပ်ဆောင် လာနိုင်ကြတယ်။ အရင်က လနဲ့ ချီကြာ သွားရတဲ့ ခရီး တွေလည်း နာရီ ပိုင်းအ တွင်းနဲ့ ရောက် လာနိုင်ကြတယ်။ အချိန် (Time)  နဲ့ နေရာ (Space) တွေ ကျုံ့လာပါတယ်။ ”ပြောင်း လဲခြင်းကိုစောင့် စားနေမှာလား၊ ပြောင်းလဲခြင်းကိုဖန်တီးကြမှာ လား” ဆိုတဲ့ အမေးမှာ ‘ Don’t wait for change! but make change happen” ဆိုတာ ဖြစ်လာနေပါပြီ။ ပြောင်းလဲမှာကို မစောင့်နဲ့ ပြောင်း လဲလာအောင်လုပ်ဆောင်ပါ။ ဆိုတဲ့ စကားက မျက်မှောက်ခေတ်မှာ ပိုပြီးအလေး သာ သလိုဖြစ်နေပါပြီ။  ကျွန်တော် တို့ကရင်တွေဟာ ပြောင်း လဲ ခြင်းကို မကိုင် တွယ်တတ်ရင် ပြောင်း လဲခြင်းရဲ့ သားကောင် သာလျှင် ဖြစ်ကြပါလိမ့်မယ်။ “ If we can not be masters of change, we  will be victims of change”! လို့ဆိုပါတယ်။ ပြောင်းလဲခြင်းရဲ လှိုင်းလုံးကို မစီးနှင်းတတ်ရင်တော့ ကျွန်တော်တို့ တတွေ ပြောင်း လဲခြင်းလှိုင်းလုံး အောက်မှာ နှစ်မြုပ် ကြမှာပဲ။ ဒါ ဟာခေတ် ကာလအဆက်ဆက်က စိန်ခေါ်မှု တွေဖြစ်ခဲ့သလို အခု ကာလ ရဲ့စိန်ခေါ်မှု လည်းဖြစ် ပါတယ်။ ကျွန်တော် တို့ ကရင် ဘိုး ဘေးများတွေဟာ ခေတ်ကာလ ရဲ့လှိုင်းလုံး ကြီးတွေကို ပိုင်ပိုင် နိုင်နိုင် စီးနှင်းနိုင်ခဲ့ ကြလို့ပဲ ကျွန်တော် တို့တတွေ့ ဒီ ၂၁ ရာစု အထိ သယ်ဆောင် လာနိုင်ခဲ့ကြတာပဲဖြစ်ပါတယ်။ ဒီပုခုံးပြောင်းတာ ၀န်ရ ယူရာမှာ ကျွန်တော်တို့ ရဲရင့်ပြတ် သားကြဖို့ရန် လိုအပ်လာပါပြီ။ ဒီပြောင်း လဲလာတဲ့ ခေတ်ရဲ့ လိုင်းလုံးတွေကို ဘယ် လိုစီးနှင်းပြီး ခရီး ဆက်ကြရမလဲ ဆိုတာကို ကရင် တွေ့ ဆုံပွဲတိုင်း မှာ ဆွေးနွေးစရာ ခေါင်းစဉ် တစ်ခုအဖြစ် အမြဲပါ ၀င်သင့်ပါတယ်။  

၆။ ကမ္ဘာ့ မြေပုံပေါ်နဲ့ ကမ္ဘာ့လူမျိုးတွေကြားမှာ ကရင်တွေ ရှိနေသေးတယ်။ ဒါဟာ ကျွန်တော် တို့လက်ရှိပိုင်ဆိုင်ထားတဲ့ လူ့အရင်းအမြစ်ပဲ။ ထောင်၊ သောင်း၊ မကဘူး၊ သန်းချီရှိနေတယ်။ ဒါဟာ ကျွန်တော်တို့ရဲ့အရေအတွက်အရ အရင်းအမြစ်အင်အားစုတွေပဲ။ ရှိနေတဲ့အရေအ တွက် တွေကို ပေါင်းစည်းအင်အား ( collective force) တစ်ခုဖြစ်လာဖို့ ဖန်တီးကြရမှာဖြစ်တယ်။ အရည် အချင်းအရ ဖြစ်တည်လာရမယ့် အရင်းအမြစ်တွေကိုဖော်ထုတ်ကြရပါလိမ့်မယ်။  အခြေ အနေ တစ်ခု ပေါ်မှာ မူတည်ပြီး ကျွန်တော်တို့တတွေဟာ ချောင်းကြို၊ ချောင်းကြား မှာနေခဲ့ကြ ပါတယ်။ အခုလို ပွင့်လင်း လာတဲ့ (infrastructure development) အခြေခံအဆောက်အဦ၊ ဆက်သွယ်မှု ခေတ်မှာ ကရင်တွေ ဟာ ”လမ်းသာ”လာပါပြီ။  တောင်ပေါ်က ကရင်တွေ ”သာလာ” တဲ့လမ်း မပေါ်ပြေးဆင်းလာ နိုင်သ လို၊ မြေပြန့်ကရင်တွေလည်း ”သာလာ”တဲ့ လမ်းမပေါ်ပြေး တက်လာ နိုင်ပါပြီ။ ကျွန်တော်တို့ ပြေးတက် ကြဖို့ပဲလိုပါတယ်။ ထိုင်နေလို့တော့ ခရီးမ ပေါက်နိုင် ပါဘူး။ ပြေးလွှား ကစားရတဲ့ ခေတ်နဲ့ အပြိုင်အဆိုင်ခေတ်မှာ ကျွန်တော်တို့ကရင်တွေ နိုင်ငံတကာ ဘုံကစားကွင်းထဲမှာ ၀င်ရောက် ကစားကြ ရပါတော့မယ်။ ထိုင်ခုံ ပေါ် ထိုင် ပြီး ပွဲ ကြည့် နေတဲ့ ပွဲကြည့် ပရိတ်သတ် ( spectators ) ဘ၀ ကို စွန့်ခွာပြီး ကစားသမား ( players) အဖြစ် ပြောင်း လဲကြ ချိန်တန်ပါပြီ။ 

၇။ ကျွန်တော်တို့ကရင်တွေဟာ အင်္ဂလိပ်အစိုးရလက်ထက်မှာ (၁၈၂၆-၁၉၄၇) role အခွင့်အလမ်း တစ်ခု၊ အရည်အသွေး capacity တစ်ခု တက် လာခဲ့တယ် ဆိုပေမယ့်၊ အများစုက နောက်လိုက် (followers) စိတ်နဲ့ပဲသွားခဲ့ပြီး ခေါင်း ဆောင် (leader) စိတ်နဲ့ အရည်အသွေးတွေ ထိုက်သင့် သလောက် မထွက်ပေါ်လာခဲ့ပါဘူး။ ထင် ရှား တဲ့ ကရင်ခေါင်းဆောင်ကြီး တစ်ချို့က လွဲလို့ပေါ့ လေ။ ကျွန်တော်တို့ကရင်တွေက သူများ နောက် လိုက်ရတာသိပ်ကြိုက်ကြတယ်။ ခေါင်းဆောင် လုပ်ခိုင်းရင် ဘယ်သူမှ မလုပ်ချင်ကြဘူး။ ခေါင်း ရှောင်ချင်ကြတယ်။  တာဝန်ယူရဲတဲ့သတ္တိလိုနေ သေးတယ်လို မြင်မိတယ်။ အခွင့်အရေး ပိတ်ပင်မှု တွေနဲ့ အဖိနှိပ်ခံ ဘ၀ မှာ ကျင်လည်ခဲ့ကြရတဲ့ အခါမှာ ကိုယ့် ကိုယ်ကို ယုံကြည်မှုအား နည်း တတ်ကြ တယ်။ သူတစ်ပါးအပေါ် မှီခိုစိတ်တွေ များလာတတ်တယ်။ ဒီနေ့ ဒီအားနည်းချက် တွေကို အားသာ ချက်တွေအဖြစ်ပြောင်းလဲ ကြရ ပါလိမ့်မယ်။ ဒီအနာ အဆာ တွေကို ကုသပြီး ကျန်းမာသန်စွမ်း တဲ့ ကရင်လူ့ဘောင်လူ့အဖွဲ့ အ စည်း တွေကိုထူ ထောင်ကြရ ပါလိမ့်မယ်။ ဒါမှသာ ဒီ ၂၁ ရာစု မှာ ကရင် တွေဟာ တောက် ပြောင်တဲ့ အနာဂတ်ကို ဖန်တီးနိုင်ကြ ပါလိမ့်မယ်။ ပွင့်လင်းမြင်သာလာတဲ့ လူ့အဖွဲ့ အစည်းသစ် မှာ ကျွန်တော်တို့ကရင်တွေ ဟာ မီးရောင် အောက်က ဇါတ်ခုံ စင်မြင့်ပေါ် မှာ တက် ရောက် ဖျော် ဖြေဖို့ နေရာယူကြရပါတော့မယ်။ ခင်းကျင်း ထားတဲ့ သစ်သော စင်မြင့် တွေဖြစ်တဲ့၊ လူမှုရေး စင်မြင့်၊ စီးပွားရေးစင်မြင့်၊ နည်းပညာစင်မြင့်၊ နိုင်ငံရေး စင်မြင့်တွေမှာ ကျွန်တော်တို့ ကရင် လူငယ် မျိးဆက်သစ်တွေ တက်ရောက် နေရာယူ တင်ဆက်ဖို့ လိုအပ်နေပါပြီ။ အခုလော လောဆယ် ရှိနေတဲ့ ကျွန်တော်တို့ ကရင်ခေါင်း ဆောင်တော် တော်များ များဟာ ဘာသာရေး စင်မြင့် ပေါ်ကပဲ နေရာယူတာရှိနေသေးတယ်။ ဒီဘာသာရေး အပိုင်းမှာပဲ ကျွန် တော်တို့က အားသာ နေလို့ပဲလား၊ ပိုပြီး စိတ်ဝင်စားမှု များနေလို့ ပဲလား၊ မဟုတ်ရင်လည်း ပိုပြီး လောကီ ရေးရာနဲ့ ကင်း ကင်း ကွာကွာ နေချင်လို့ပဲလား ဆိုတာတော့မပြောတတ်ဘူး။ လက်ရှိကရင် အဖွဲ့အစည်း တွေရဲ့ ခေါင်း ဆောင် တော် တော် များများ ဟာ ဘာသာရေး၊ သာသနာရေးနဲ့ နွယ် ပြီး လူထုရှေ့ ရောက် လာကြ သူတွေ များ ပါတယ်။ ဘယ်လိုပဲဖြစ်ဖြစ်၊ အထက်ကဖော်ပြခဲ့တဲ့ စင်မြင့်သစ် တွေမှာ လည်း ကရင် လူငယ်မျိုး ဆက်သစ် တွေ တက်ရောက်နိုင်ဖို့ရန် ပြင်ဆင်ကြရပါလိမ့်မယ်။ 

၈။ ရောက်ရှိလာတဲ့ ၂၁ ရာစုမှာ ကရင်တွေဟာ ” ကရင်တစ်မျိုးတည်းဖြစ်ခြင်း” (Being One Karen), ဘုံအခြေခံအုပ်မြစ် ( common ground) တစ်ခုပေါ် ကနေရပ်တည်ပြီး လုပ်ရှား ဖို့ရန် လိုအပ် ပါတယ်။ အခြေအနေ၊ အကြောင်းတရား အမျိုးမျိုးပေါ် မှာ ကရင်တွေဟာ ကွဲ ပြားခြား နားဖြစ်ခဲ့ကြပါတယ်။ တောင်ပေါ်၊ မြေပြန့်၊ ပိုး၊ စကော၊ ခရစ်ယာန်ကရင်၊ ဗုဒ္ဒဘာသာကရင်၊ စာဖြူ၊ စာနီ၊ စနေသင်းကရင်၊ အင်္ဂလီကန်ကရင်၊ စသည်ဖြင့် ဘာသာရေး၊ ဒေသစကား၊ နေထိုင်ရာဒေသ၊ အပေါ်မူတည်ပြီး ကွဲပြားသွား ကြပါတယ်။ ဖော်ပြပါ အလွှာ ကနေ တဆင့် ဆင်းလိုက်မယ် ဆိုရင် “ကရင်တစ်မျိုး တည်းဖြစ်ကြခြင်း” ( Being One Karen) ဆိုတဲ့ ဘုံရပ်တည်ချက်တစ်ခု မှာ ကျွန် တော်တို့ကရင်တွေ ဆုံမှတ်တစ်ခုအဖြစ် ရပ်တည်နေကြမှ သာလျှင် စည်းလုံးခိုင်မာတဲ့ အင်အား စုတစ်ခု ဆိုတာပေါ် ထွက်လာပါလိမ့်မယ်။ ဒါကိုတော့ အမျိုးသားရေးကို အခြေ ခံတဲ့ စုစည်းနိုင်မှု တစ်ခုလို့ ပြော နိုင်ပါတယ်။ ဒီလို  “ကရင် တစ်မျိုး တည်းဖြစ်ကြခြင်း” ( Being One Karen)  လို့ပြောတဲ့ အခါမှာ Unity in Diversity ကို ပဲ အခြေ ခံ မူအနေနဲ့သွားရမှာ ဖြစ်တယ်။ ဘာသာ ရေး၊ ကိုးကွယ် ယုံကြည် မှုအရ ကွဲပြားနိုင်တယ်။ နေရာ ဒေသပေါ် မူတည်ပြီး ကွဲပြားကြမယ်။ ဒေသခံစကား အရကွဲ ပြားကြ မယ်။ ဒါပေမယ့် ”ကရင်တစ်မျိုးတည်းဖြစ်ခြင်း” လို့ခေါ် မယ့် Being One Karen အလွှာ မှာ ကျွန် တော်တို့ အားလုံး ဆုံမှတ် ယူကြ ရပါလိမ့်မယ်။ ဒါသည်သာ ကျွန်တော်တို့ရဲ့ မူလဇစ်မြစ် ( root ) ပဲ၊ အဲဒီ အမြစ် ကနေ၊ ကရင် ပင်စည်၊ အကိုင်း အခက် တွေကို ဝေဆာ စေကြရ မှာ ဖြစ်ပါတယ်။ 

၉။ တစ်ကမ္ဘာ တစ်ရွာဖြစ် လာတဲ့ ခေတ်မှာ ကရင်တွေ ပိုပြီး မကြာခဏတွေ့ဆုံ၊ စုစည်းကြ ရပါမယ်။ တွေ့ဆုံဆွေးနွေးခြင်းယဉ်ကျေးမှု တစ်ခုကို ဖော်ထုတ်ကြရပါလိမ့်မယ်။ ယခုလို ကျင်းပတဲ့ တွေ့ ဆုံပွဲတွေကို ဒါထက်ကျယ်ပြန့်တဲ တွေ့ဆုံပွဲတွေအထိ ဖြစ် လာနိုင်ဖို့ ကြိုးစားကြရပါမယ်။ ကျေး ရွာအလိုက်၊ မြို့နယ်အလိုက်၊ ခရိုင်အလိုက်၊ တိုင်းဒေသအလိုက်၊ နိုင်ငံအတိုင်းအတာ၊ နိုင်ငံ တကာ အတိုင်းအတာ အထိ၊ ပိုမို ကျယ်ပြန့်တဲ့ တွေ့ဆုံပွဲ တွေကို ၂၁ ရာစု ရဲ့ ပန်းတိုင် တစ်ခု အဖြစ် ထား ရှိကြ ရင် မကောင်းပေဘူးလား။  

၁၀။ ကျွန်တော်တို့နေထိုင်ရာ ဧရာဝ တီမြစ်ဝကျွန်းပေါ် (ထီးထာကလုံး) မှာ တော့ ကရင်ပေါင်း စည်းညီ ညွှတ်ရေး လှုပ်ရှားမှုတွေ လုပ်ဆောင် နေကြပါပြီ။ ကရင်နှစ်သစ်ကူးနေ့ဟာ ဒေသအ လိုက် ကျင်းပတဲ့ ပွဲတော်ဖြစ်လာသလို၊ ကရင်ကျေးရွာ အသီသီးရဲ့ နှစ်စဉ် ပွဲတော်ဖြစ်နေပါပြီ။ ကရင်ရိုး ရာ ၀တ်စုံတွေကို လည်းပွဲတော် အခမ်းအနားတွေမှာ ခမ်းနားစွာတွေမြင်နိုင်ပါတယ်။ နွေရာ သီက ရင်စာ ပေသင်တန်း တွေဟာလည်း မြို့နယ်အသီးသီး (အားလုံးမဟုတ်သေး သော် လည်း) ဦးစီးဆောင်ရွက် တဲ့ အဆင့် အထိ တက်လာ နေပါပြီ၊ ဒီနှစ် နွေရာသီ အတွက်ဆိုရင် ကက်လသစ်အသင်းတော် ကနေ လူငယ် တွေကို (၉) မြို့နယ်က စုဆောင်းပြီး ဧရာ ၀တီ တိုင်း ဒေသကြီးထဲမှာ (၁၂) မြို့နယ်ကို ဆရာ/မ ဦးရေ (၇၀) စေလွှတ်နိုင်ခဲ့ပါတယ်။ ဒီလို အင်အား အနေအထားနဲ့ လုပ်ဆောင်လာနိုင်ခဲ့တာ အခုဆိုရင် (၅)နှစ်မြောက်ဖြစ်လာပါပြီ။  ကရင် တိုင်းရင်း သားဖတ်စာကို လည်း ကျောင်ချိန်ပြင်ပဖတ်စာ အဖြစ် အစိုးရ မူလ တန်း ကျောင်း တစ်ချို့မှာ ပြန် လည်အသက်ဝင်နေပါပြီ။ ကရင်မိဘတိုင်းက မိမိတို့ သား သမီးတွေကို ကရင်လို စကားပြောပေး၊ ဖြစ်နိုင်ရင် ကရင်နာမည်တွေမှည့်ပေးခြင်း အားဖြင့် ကရင်ဖြစ်ခြင်းကို ပုံဖော်သွား နေကြ ပါပြီ။ တစ်ချို့ ကရင်ရွာတွေလည်း ဗမာလိုရော၊ ကရင်လိုရော ပါတဲ ဆိုင်းပုတ်တွေ တင် နေကြပါပြီ။ ကရင် ပညာတတ်လူငယ်လေးတွေက ကရင်ရွာ တစ်ချို့တွေမှာ ကျေး ရွာအုပ်ချုပ်ရေး မှူး တာဝန် ယူကြ ပါပြီ။ မြိ့နယ်၊ ခရိုင်၊ တိုင်း အုပ်ချုပ်ရေးရုံးတွေမှာ မျိုးဆက်သစ် ကရင်လူ ငယ်တွေ များ များတွေ့လာမယ့် ၂၁ ရာစု ကို တွေးမြင်ကြပါစို့လား။  အနာဂတ်က ရင်တွေဟာ ရှိတဲ့ နေရာ၊ ရောက်တဲ့ နေရာတိုင်းမှာ အသက်ဝင်လှုပ်ရှား သောနိုင်ငံသားကောင်းများ (active citizens) ဖြစ်ပြီး ၂၁ ရာစု ကို ပုံဖော်သွားကြ ပါစို့လား။

…………..

Ref: Special Talk given at “ Pan Pwo Karen Christian Fellowship” held in Bishop Home, Yangon from 28 to 30 November 2013.

မြစ်ဝကျွန်းပေါ်ကရင်လူငယ်တွေ့ဆုံပွဲ၊ မရမ်ချောင်းရွာ၊ ပုသိမ်၊ ဧရာဝတီတိုင်းဒေသကြီး

Fr. Henry Eikhlein

Catholic Diocese of Pathein

Ayeyarwaddy Region, Myanmar

May 21, 2014